Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 4.20 | Theoc. Id. 4.45 (English) | >>Theoc. Id. 4.60 |
4.35τηνεῖ καὶ τὸν ταῦρον ἀπʼ ὤρεος ἆγε πιάξας
τᾶς ὁπλᾶς κἤδωκʼ Ἀμαρυλλίδι , ταὶ δὲ γυναῖκες
μακρὸν ἀνάυσαν , χὡ βουκόλος ἐξεγέλασσεν .
Βάττοςὦ χαρίεσσʼ Ἀμαρυλλί , μόνας σέθεν οὐδὲ θανοίσας
λασεύμεσθʼ · ὅσον αἶγες ἐμὶν φίλαι , ὅσσον ἀπέσβης .
4.40αἰαῖ τῶ σκληρῶ μάλα δαίμονος , ὅς με λελόγχει .
Κορύδωνθαρσεῖν χρὴ φίλε Βάττε · τάχʼ αὔριον ἔσσετʼ ἄμεινον .
ἐλπίδες ἐν ζωοῖσιν , ἀνέλπιστοι δὲ θανόντες .
χὡ Ζεὺς ἄλλοκα μὲν πέλει αἴθριος , ἄλλοκα δʼ ὕει .
Βάττοςθαρσέω . βάλλε κάτωθε τὰ μοσχία · τᾶς γὰρ ἐλαίας
4.45τὸν θαλλὸν τρώγοντι τὰ δύσσοα . σίτθʼ ὁ λέπαργος .
Κορύδωνσίτθʼ ἁ Κυμαίθα ποτὶ τὸν λόφον . οὐκ ἐσακούεις ;
ἡξῶ ναὶ τὸν Πᾶνα κακὸν τέλος αὐτίκα δωσῶν ,
εἰ μὴ ἄπει τουτῶθεν . ἴδʼ αὖ πάλιν ἅδε ποθέρπει .
εἴθʼ ἦν μοι ῥοικὸν τὸ λαγωβόλον , ὥς τυ πάταξα .
Βάττος4.50θᾶσαί μʼ ὦ Κορύδων πὸτ τῶ Διός · ἁ γὰρ ἄκανθα
ἁρμοῖ μʼ ὧδʼ ἐπάταξʼ ὑπὸ τὸ σφυρόν . ὡς δὲ βαθεῖαι
τἀτρακτυλλίδες ἐντί . κακῶς ἁ πόρτις ὄλοιτο ·
ἐς ταύταν ἐτύπην χασμεύμενος . ἦ ῥά γε λεύσσεις ;
Κορύδωνναὶ ναί , τοῖς ὀνύχεσσιν ἔχω τέ νιν · ἅδε καὶ αὐτά .
Βάττος4.55ὁσσίχον ἐστὶ τὸ τύμμα καὶ ἁλίκον ἄνδρα δαμάζει .
Κορύδωνεἰς ὄρος ὅκχʼ ἕρπῃς , μὴ νήλιπος ἔρχεο Βάττε .
ἐν γὰρ ὄρει ῥάμνοί τε καὶ ἀσπάλαθοι κομέονται .
Βάττοςεἴπʼ ἄγε μʼ ὦ Κορύδων , τὸ γερόντιον ἦ ῥα διώκει ,
τήναν τὰν κυάνοφρυν ἐρωτίδα , τᾶς ποκʼ ἐκνίσθη ;
Κορύδων
Βάττος
4.40
Κορύδων
Βάττος
4.45
Κορύδων
Βάττος4.50
Κορύδων
Βάττος4.55
Κορύδων
Βάττος
Κορύδων
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 4.20 | Theoc. Id. 4.45 (English) | >>Theoc. Id. 4.60 |