Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 5.50 | Theoc. Id. 5.74 (English) | >>Theoc. Id. 5.100 |
5.65τήνας τὰς παρὰ τὶν ξυλοχίζεται · ἔστι δὲ Μόρσων .
Λάκωνβωστρέωμες .
Κομάταςτὺ κάλει νιν .
Λάκωνἴθʼ ὦ ξένε μικκὸν ἄκουσον
τεῖδʼ ἐνθών · ἄμμες γὰρ ἐρίσδομες , ὅστις ἀρείων
βουκολιαστάς ἐστι . τὺ δʼ ὦ φίλε μήτʼ ἐμὲ Μόρσων
ἐν χάριτι κρίνῃς , μήτʼ ὦν τύγα τοῦτον ὀνάσῃς .
Κομάτας5.70ναὶ ποτὶ τᾶν Νυμφᾶν Μόρσων φίλε μήτε Κομάτᾳ
τὸ πλέον ἰθύνῃς , μήτʼ ὦν τύγα τῷδε χαρίξῃ .
ἅδέ τοι ἁ ποίμνα τῶ Θουρίω ἐστὶ Σιβύρτα ,
Εὐμάρα δὲ τὰς αἶγας ὁρῇς φίλε τῶ Συβαρίτα .
Λάκων5.74μή τύ τις ἠρώτη πὸτ τῶ Διός , αἴτε Σιβύρτα
αἴτʼ ἐμόν ἐστι κάκιστε τὸ ποίμνιον ; ὡς λάλος ἐσσί .
Κομάταςβέντισθʼ οὗτος , ἐγὼ μὲν ἀλαθέα πάντʼ ἀγορεύω
κοὐδὲν καυχέομαι · τὺ δʼ ἄγαν φιλοκέρτομος ἐσσί .
Λάκωνεἶα λέγʼ εἴ τι λέγεις , καὶ τὸν ξένον ἐς πόλιν αὖθις
ζῶντʼ ἄφες · ὦ Παιάν , ἦ στωμύλος ἦσθα Κομάτα .
Κομάτας5.80ταὶ Μοῖσαί με φιλεῦντι πολὺ πλέον ἢ τὸν ἀοιδὸν
Δάφνιν · ἐγὼ δʼ αὐταῖς χιμάρως δύο πρᾶν ποκʼ ἔθυσα .
Λάκωνκαὶ γὰρ ἔμʼ ὡπόλλων φιλέει μέγα , καὶ καλὸν αὐτῷ
κριὸν ἐγὼ βόσκω . τὰ δὲ Κάρνεα καὶ δὴ ἐφέρπει .
Κομάταςπλὰν δύο τὰς λοιπὰς διδυματόκος αἶγας ἀμέλγω ,
5.85καί μʼ ἁ παῖς ποθορεῦσα τάλαν λέγει αὐτὸς ἀμέλγεις ;
Λάκωνφεῦ φεῦ Λάκων τοι ταλάρως σχεδὸν εἴκατι πληροῖ
τυρῶ καὶ τὸν ἄναβον ἐν ἄνθεσι παῖδα μολύνει .
Κομάταςβάλλει καὶ μάλοισι τὸν αἰπόλον ἁ Κλεαρίστα
τὰς αἶγας παρελᾶντα καὶ ἁδύ τι ποππυλιάσδει .
Λάκων
Λάκων
Κομάτας
Λάκων
Κομάτας5.70
Λάκων5.74
Κομάτας
Λάκων
Κομάτας5.80
Λάκων
Κομάτας
5.85
Λάκων
Κομάτας
Λάκων
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 5.50 | Theoc. Id. 5.74 (English) | >>Theoc. Id. 5.100 |