Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 8.30 | Theoc. Id. 8.55 (English) | >>Theoc. Id. 8.85 |
8.45παντᾷ ἔαρ , παντᾷ δὲ νομοί , παντᾷ δὲ γάλακτος
οὔθατα πλήθουσιν , καὶ τὰ νέα τρέφεται ,
ἐνθʼ ἁ καλὰ παῖς ἐπινίσσεται · αἰ δʼ ἂν ἀφέρπῃ ,
χὡ τὰς βῶς βόσκων χαἱ βόες αὐότεραι .
Μενάλκαςὦ τράγε , τᾶν λευκᾶν αἰγῶν ἄνερ , ὧ βάθος ὕλας
8.50μυρίον , (ὦ σιμαὶ δεῦτʼ ἐφʼ ὕδωρ ἔριφοι ·)
ἐν τήνῳ γὰρ τῆνος · ἴθʼ ὦ κόλε καὶ λέγε · Μίλων ,
ὁ Πρωτεὺς φώκας καὶ θεὸς ὢν ἔνεμε .
Δάφνιςμή μοι γᾶν Πέλοπος , μή μοι χρύσεια τάλαντα
εἴη ἔχειν , μηδὲ πρόσθε θέειν ἀνέμων ·
8.55ἀλλʼ ὑπὸ τᾷ πέτρᾳ τᾷδʼ ᾄσομαι , ἀγκὰς ἔχων τυ ,
σύννομα μᾶλʼ ἐσορῶν , τὰν Σικελὰν ἐς ἅλα .
Δάφνιςδένδρεσι μὲν χειμὼν φοβερὸν κακόν , ὕδασι δʼ αὐχμός ,
ὄρνισιν δʼ ὕσπλαγξ , ἀγροτέροις δὲ λίνα ,
ἀνδρὶ δὲ παρθενικᾶς ἁπαλᾶς πόθος . ὦ πάτερ ὦ Ζεῦ ,
8.60οὐ μόνος ἠράσθην · καὶ τὺ γυναικοφίλας .
Ταῦτα μὲν ὦν διʼ ἀμοιβαίων οἱ παῖδες ἄεισαν ·
τὰν πυμάταν δʼ ᾠδὰν οὑτῶς ἐξᾶρχε Μενάλκας .
Φείδευ τᾶν ἐρίφων , φείδευ λύκε τᾶν τοκάδων μευ ,
μηδʼ ἀδίκει μʼ , ὅτι μικκὸς ἐὼν πολλαῖσιν ὁμαρτέω .
8.65ὦ Λάμπουρε κύον , οὕτω βαθὺς ὕπνος ἔχει τυ ;
οὐ χρὴ κοιμᾶσθαι βαθέως σὺν παιδὶ νέμοντα .
ταὶ δʼ ὄιες , μηδʼ ὔμμες ὀκνεῖθʼ ἁπαλᾶς κορέσασθαι
ποίας · οὔτι καμεῖσθʼ , ὅκκʼ αὖ πάλιν ἅδε φύηται .
σίττα νέμεσθε νέμεσθε , τὰ δʼ οὔθατα πλήσατε πᾶσαι ,
ὡς τὸ μὲν ὧρνες ἔχωντι , τὸ δʼ ἐς ταλάρως ἀποθῶμαι .
Δεύτερος αὖ Δάφνις λιγυρῶς ἀνεβάλλετʼ ἀείδειν ·
Κἠμὲ γὰρ ἐκ τὤντρω σύνοφρυς κόρα ἐχθὲς ἰδοῖσα
τὰς δαμάλας παρελᾶντα καλὸν καλὸν ἦμεν ἔφασκεν ·
οὐ μὰν οὐδὲ λόγον ἐκρίθην ἄπο , τὤμπικρον αὐτᾷ ,
Μενάλκας
8.50
Δάφνις
8.55
Δάφνις
8.60
8.65
Theocritus, Idylls (XML Header) [genre: poetry] [word count] [lemma count] [Theoc. Id.]. | ||
<<Theoc. Id. 8.30 | Theoc. Id. 8.55 (English) | >>Theoc. Id. 8.85 |