Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 68 Cic. Luc. 71 () >>Cic. Luc. 74

70Unde autem subito vetus Academia revocata est? nominis dignitatem videtur, cum a re ipsa descisceret, retinere voluisse. quod erant qui illum [Note] gloriae causa facere dicerent, [Note] sperare etiam fore ut i qui se sequerentur Antiochii [Note] vocarentur; mihi autem magis videtur non potuisse sustinere concursum omnium philosophorum. etenim de ceteris sunt inter illos non nulla communia; haec Academicorum est una sententia quam reliquorum philosophorum nemo probet. itaque cessit, et ut ii qui sub novis [Note] solem non ferunt item ille cum aestuaret veterum ut maenianorum sic Academicorum umbram secutus est. [Note] 71quoque solebat uti argumento tum cum ei placebat nihil posse percipi, cum quaereret, Dionysius ille Heracleotes utrum conprehendisset certa illa nota qua adsentiri dicitis oportere, illudne quod multos annos tenuisset Zenonique magistro credidisset, honestum quod esset id bonum solum esse, an quod postea defensitavisset, honesti inane nomen esse, voluptatem esse summum bonumqui ex illius commutata sententia dooere vellet nihil ita signari in animis nostris a vero posse quod non eodem modo possit a [Note] falso, is curavit quod argumentum ex Dionysio ipse sumpsisset ex eo

-- --

ceteri sumerent. Sed [Note] cum hoc alio loco plura; nunc ad ea quae a te Luculle dicta sunt.

ch. 23

72Et [Note] primum quod initio dixisti videamus quale sit, similiter a nobis de antiquis philosophis commemorari atque seditiosi solerent claros viros sed tamen populares aliquos nominare. illi cum res <non> bonas [Note] tractent similes bonorum videri volunt; nos autem ea dicimus nobis videri quae vosmet ipsi [Note] nobilissimis philosophis placuisse conceditis. Anaxagoras [Note] [Note] nivem nigram dixit esse. ferres me si ego idem dicerem? tu ne si dubitarem quidem. at quis est? num [Note] hic sophistes (sic enim appellabantur ii qui ostentationis aut quaestus causa philosophantur [Note])? maxima fuit et gravitatis et ingeni gloria.



Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 68 Cic. Luc. 71 () >>Cic. Luc. 74

Powered by PhiloLogic