78Haec est una contentio quae adhuc
permanserit. nam [Note] illud, nulli rei adsensurum esse sapientem, nihil ad hanc controversiam pertinebat. licebat enim 'nihil percipere et tamen opinari'; quod a
Carneade dicitur probatum: equidem Clitomacho plus
quam Philoni aut Metrodoro credens hoc magis ab
eo disputatum quam probatum puto.
Sed id omittamus. illud certe opinatione et perceptione sublata sequitur, omnium adsensionum retentio, ut [Note] si ostendero nihil posse percipi tu concedas
numquam adsensurum esse.
ch. 25
79Quid ergo est quod percipi possit, si ne sensus
quidem vera nuntiant? quos tu Luculle communi loco
defendis. [Note] quod ne id [Note] facere posses, idcirco heri non
necessario loco contra sensus tam multa dixeram; tu
autem te negas infracto remo neque columbae collo
commoveri. primum cur? nam et in remo sentio non
esse id quod videatur, et in columba pluris videri
colores nec esse plus uno. deinde nihilne praeterea
diximus? 'Maneant illa omnia; †lacerat [Note] ista causa;
veracis [Note] suos esse sensus dicit <Epicurus>'. Igitur
semper auctorem habes, et [Note] eum qui magno suo periculo causam agat; eo enim rem demittit [Note] Epicurus, si
unus sensus semel in vita mentitus sit, nulli umquam
esse credendum.
80hoc est verum esse, confidere suis
testibus et †inportata [Note] insistere; itaque Timagoras
Epicureus negat sibi umquam cum oculum torsisset
duas ex lucerna flammulas esse visas; opinionis enim
esse mendacium non oculorum: quasi quaeratur quid
-- --
sit, non quid videatur. Sic [Note] hic quidem, maiorum similis; tu vero, qui visa sensibus alia vera dicas esse
alia falsa, qui ea distinguis? [Note] Et desine quaeso communibus locis; domi nobis ista nascuntur. [Note] 'Si' [Note] inquis
'deus te interroget sanis modo et integris sensibus
num amplius quid desideras
, [Note] quid respondeas?' Utinam quidem roget: audies quam nobiscum male †agerent. [Note] ut enim vera videamus, quam longe videmus? [Note]
ego Catuli Cumanum ex hoc loco cerno; regionem
video <Pompeiani, ipsum> [Note] Pompeianum non cerno,
neque quicquam interiectum est quod obstet, sed intendi acies longius non potest. o praeclarum prospectum: Puteolos videmus; at familiarem nostrum P. [Note] Avianium [Note] fortasse in porticu Neptuni ambulantem non
videmus.
