| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 1.18.7 | Liv. 1.19.4 (English) | >>Liv. 1.20.3 |
1.19.2quibus cum inter bella adsuescere uideret non posse —quippe
efferari militia animos —, mitigandum ferocem populum armorum
desuetudine ratus , Ianum ad infimum Argiletum indicem
pacis bellique fecit , apertus ut in armis esse ciuitatem ,
1.19.3clausus pacatos circa omnes populos significaret .—bis deinde
post Numae regnum clausus fuit , semel T . Manlio consule
post Punicum primum perfectum bellum , iterum , quod nostrae
aetati di dederunt ut uideremus , post bellum Actiacum
ab imperatore Caesare Augusto pace terra marique parta .—
1.19.4clauso eo cum omnium circa finitimorum societate ac
foederibus iunxisset animos , positis externorum periculorum
curis , ne luxuriarent otio animi quos metus hostium disciplinaque
militaris continuerat , omnium primum , rem ad
multitudinem imperitam et illis saeculis rudem efficacissimam ,
deorum metum iniciendum ratus est .
qui cum descendere
ad animos sine aliquo commento miraculi non posset , simulat
sibi cum dea Egeria congressus nocturnos esse ; eius se monitu
quae acceptissima dis essent sacra instituere , sacerdotes
suos cuique deorum praeficere .
atque omnium primum ad
cursus lunae in duodecim menses discribit annum ; quem quia
tricenos dies singulis mensibus luna non explet desuntque sex
dies solido anno qui solstitiali circumagitur orbe , intercalariis
mensibus interponendis ita dispensauit , ut uicesimo anno ad
metam eandem solis unde orsi essent , plenis omnium annorum
spatiis dies congruerent .
idem nefastos dies fastosque fecit
quia aliquando nihil cum populo agi utile futurum erat .
1.19.5
1.19.6
1.19.7
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 1.18.7 | Liv. 1.19.4 (English) | >>Liv. 1.20.3 |
