| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 1.59.9 | Liv. 1.60.3 (English) | >>Liv. 2.1.1 |
1.60.1
harum rerum nuntiis in castra perlatis cum re noua trepidus
rex pergeret Romam ad comprimendos motus , flexit
uiam Brutus —senserat enim aduentum —ne obuius fieret ;
eodemque fere tempore , diuersis itineribus , Brutus Ardeam ,
Tarquinius Romam uenerunt .
Tarquinio clausae portae
exsiliumque indictum : liberatorem urbis laeta castra accepere ,
exactique inde liberi regis . duo patrem secuti sunt
qui exsulatum Caere in Etruscos ierunt . Sex . Tarquinius
Gabios tamquam in suum regnum profectus ab ultoribus
ueterum simultatium , quas sibi ipse caedibus rapinisque
concierat , est interfectus .
L . Tarquinius Superbus regnauit annos quinque et uiginti .
regnatum Romae ab condita urbe ad liberatam annos ducentos
quadraginta quattuor . duo consules inde comitiis
centuriatis a praefecto urbis ex commentariis Ser . Tulli
creati sunt , L . Iunius Brutus et L . Tarquinius Collatinus .
1.60.2
1.60.3
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 1.59.9 | Liv. 1.60.3 (English) | >>Liv. 2.1.1 |
