| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 10.18.1 | Liv. 10.18.9 (English) | >>Liv. 10.19.3 |
10.18.7litteras ad
collegam accersendum ex Samnio missas in trinis annalibus
inuenio ; piget tamen in certo ponere , cum ea ipsa inter
consules populi Romani , iam iterum eodem honore fungentes ,
disceptatio fuerit , Appio abnuente missas , Uolumnio
adfirmante Appi se litteris accitum .
iam Uolumnius in
Samnio tria castella ceperat , in quibus ad tria milia hostium
caesa erant , dimidium fere eius captum , et Lucanorum seditiones
a plebeiis et egentibus ducibus ortas summa optimatium
uoluntate per Q . Fabium , pro consule missum eo cum
uetere exercitu , compresserat .
Decio populandos hostium
agros relinquit , ipse cum suis copiis in Etruriam ad collegam
pergit .
quem aduenientem laeti omnes accepere : Appium
ex conscientia sua credo animum habuisse —haud immerito
iratum si nihil scripserat , inliberali et ingrato animo , si eguerat
ope , dissimulantem .
uix enim salute mutua reddita ,
cum obuiam egressus esset , 'satin salue ' inquit , 'L . Uolumni ?
ut sese in Samnio res habent ? quae te causa
10.18.12ut prouincia tua excederes induxit ?' Uolumnius in Samnio
res prosperas esse ait , litteris eius accitum uenisse ; quae si
falsae fuerint nec usus sui sit in Etruriam , extemplo conuersis
signis abiturum .
tu uero abeas ' inquit , 'neque te
quisquam moratur ; etenim minime consentaneum est , cum
bello tuo forsitan uix sufficias , huc te ad opem ferendam
aliis gloriari uenisse .' bene ,
10.18.14hercules , uerteret , dicere Uolumnius ;
malle frustra operam insumptam quam quicquam
incidisse cur non satis esset Etruriae unus consularis exercitus .
10.18.8
10.18.9
10.18.10
10.18.11
10.18.13'
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 10.18.1 | Liv. 10.18.9 (English) | >>Liv. 10.19.3 |
