| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 10.25.5 | Liv. 10.25.13 (English) | >>Liv. 10.26.3 |
10.25.10inde nusquam statiua Romanis fuere .
negabat utile esse uno loco sedere exercitum ; itineribus
ac mutatione locorum mobiliorem ac salubriorem esse ;
fiebant autem itinera quanta fieri sinebat hiemps hauddum
exacta .
uere inde primo relicta secunda legione ad Clusium ,
quod Camars olim appellabant , praepositoque castris L .
Scipione pro praetore Romam ipse ad consultandum de
bello rediit ,
10.25.12siue ipse sponte sua , quia bellum ei maius in
conspectu erat quam quantum esse famae crediderat siue
senatus consulto accitus ; nam in utrumque auctores sunt .
ab Ap . Claudio praetore retractum quidam uideri uolunt ,
cum in senatu et apud populum , id quod per litteras adsidue
fecerat , terrorem belli Etrusci augeret : non suffecturum
ducem unum nec exercitum unum aduersus quattuor populos ;
10.25.14periculum esse , siue iuncti unum premant siue diuersi
gerant bellum , ne ad omnia simul obire unus non possit .
duas se ibi legiones Romanas reliquisse et minus quinque
milia peditum equitumque cum Fabio uenisse . sibi placere
P . Decium consulem primo quoque tempore in Etruriam ad
collegam proficisci , L . Uolumnio Samnium prouinciam dari ;
10.25.16si consul malit in suam prouinciam ire , Uolumnium in
Etruriam ad consulem cum exercitu iusto consulari proficisci .
10.25.17cum magnam partem moueret oratio praetoris ,
P . Decium censuisse ferunt , ut omnia integra ac libera
Q . Fabio seruarentur , donec uel ipse , si per commodum
rei publicae posset , Romam uenisset uel aliquem ex legatis
misisset ,
10.25.11
10.25.13
10.25.15
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 10.25.5 | Liv. 10.25.13 (English) | >>Liv. 10.26.3 |
