| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 2.64.9 | Liv. 2.65.5 (English) | >>Liv. 3.1.1 |
2.65.3ferocius agunt equites ;
circumfusi duci uociferantur se ante signa ituros . dum
cunctatur consul uirtute militum fretus , loco parum fidens ,
conclamant se ituros clamoremque res est secuta . fixis in
terram pilis quo leuiores ardua euaderent , cursu subeunt .
Uolscus effusis ad primum impetum missilibus telis , saxa
obiacentia pedibus ingerit in subeuntes , turbatosque ictibus
crebris urget ex superiore loco . sic prope oneratum est
sinistrum Romanis cornu , ni referentibus iam gradum consul
increpando simul temeritatem , simul ignauiam , pudore
metum excussisset .
restitere primo obstinatis animis ;
deinde ut obtinentes locum uim <pro ui > referebant , audent
ultro gradum inferre et clamore renouato commouent aciem ;
tum rursus impetu capto enituntur atque exsuperant iniquitatem
loci .
iam prope erat ut in summum cliui iugum
euaderent cum terga hostes dedere , effusoque cursu paene
agmine uno fugientes sequentesque castris incidere . in eo
pauore castra capiuntur : qui Uolscorum effugere potuerunt ,
Antium petunt .
Antium et Romanus exercitus ductus .
paucos circumsessum dies deditur , nulla oppugnantium
noua ui , sed quod iam inde ab infelici pugna castrisque
amissis ceciderant animi .
2.65.4
2.65.5
2.65.6
2.65.7
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 2.64.9 | Liv. 2.65.5 (English) | >>Liv. 3.1.1 |
