| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 6.35.9 | Liv. 6.36.6 (English) | >>Liv. 6.37.1 |
6.36.3remittentibus tribunis plebis
comitia per interregem sunt habita ; creatique tribuni militum
L . Furius A . Manlius Ser . Sulpicius Ser . Cornelius
P . et C . Ualerii . haudquaquam tam oboedientem in
dilectu quam in comitiis plebem habuere ;
6.36.4ingentique contentione
exercitu scripto profecti non ab Tusculo modo
summouere hostem sed intra suamet ipsum moenia compulere ;
6.36.5obsidebanturque haud paulo ui maiore Uelitrae
quam Tusculum obsessum fuerat . nec tamen ab eis , a
quibus obsideri coeptae erant , expugnari potuere ;
6.36.6ante noui
creati sunt tribuni militum , Q . Seruilius C . Ueturius A . et
M . Cornelii Q . Quinctius M . Fabius . nihil ne ab his quidem
tribunis ad Uelitras memorabile factum .
in maiore discrimine domi res uertebantur . nam praeter
Sextium Liciniumque latores legum , iam octauum tribunos
plebis refectos , Fabius quoque tribunus militum , Stolonis
socer , quarum legum auctor fuerat , earum suasorem se haud
dubium ferebat ;
6.36.8et cum octo ex collegio tribunorum plebi
primo intercessores legum fuissent , quinque soli erant ,
et , ut ferme solent qui a suis desciscunt , capti et stupentes
animi uocibus alienis id modo quod domi praeceptum erat
intercessioni suae praetendebant :
6.36.9Uelitris in exercitu plebis
magnam partem abesse ; in aduentum militum comitia
differri debere , ut uniuersa plebes de suis commodis suffragium
ferret .
Sextius Liciniusque cum parte collegarum et
uno ex tribunis militum Fabio , artifices iam tot annorum usu
tractandi animos plebis , primores patrum productos interrogando
de singulis , quae ferebantur ad populum , fatigabant :
6.36.7
6.36.10
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 6.35.9 | Liv. 6.36.6 (English) | >>Liv. 6.37.1 |
