| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 9.4.1 | Liv. 9.4.11 (English) | >>Liv. 9.5.3 |
9.4.8'patrem meum ' inquit , 'consules , saepe audiui
memorantem se in Capitolio unum non fuisse auctorem
senatui redimendae auro a Gallis ciuitatis , quando nec fossa
ualloque ab ignauissimo ad opera ac muniendum hoste clausi
essent et erumpere , si non sine magno periculo , tamen sine
certa pernicie possent .
quod si , illis ut decurrere ex Capitolio
armatis in hostem licuit , quo saepe modo obsessi in
obsidentes eruperunt , ita nobis aequo aut iniquo loco dimicandi
tantummodo cum hoste copia esset , non mihi paterni
animi indoles in consilio dando deesset .
equidem mortem
pro patria praeclaram esse fateor et me uel deuouere pro
populo Romano legionibusque uel in medios me immittere
hostes paratus sum ;
9.4.11sed hic patriam uideo , hic quidquid
Romanarum legionum est ; quae nisi pro se ipsis ad mortem
ruere uolunt , quid habent quod morte sua seruent ?
9.4.12tecta
urbis , dicat aliquis , et moenia et eam turbam a qua urbs
incolitur . immo hercule produntur ea omnia deleto hoc
exercitu , non seruantur .
quis enim ea tuebitur ? imbellis
uidelicet atque inermis multitudo . tam hercule quam
a Gallorum impetu defendit .
an a Ueiis exercitum Camillumque
ducem implorabunt ? hic omnes spes opesque
sunt , quas seruando patriam seruamus , dedendo ad necem
patriam deserimus [ac prodimus ]. at foeda atque ignominiosa
deditio est .
sed ea caritas patriae est ut tam
ignominia eam quam morte nostra , si opus sit , seruemus .
9.4.9
9.4.10
9.4.13
9.4.14
9.4.15
| Livy, ab Urbe Condita (XML Header) [genre: prose] [word count] [lemma count] [Liv.]. | ||
| <<Liv. 9.4.1 | Liv. 9.4.11 (English) | >>Liv. 9.5.3 |
