Latin Texts & Translations

frumenta cum defloruere, crassescunt maturanturque, cum plurimum, diebus xl, item faba, paucissimis cicer. id enim a sementi diebus xl perficitur. milium et panicum et sesama et omnia aestiva xl diebus maturantur a flore, magna terrae caelique differentia. in aegypto enim hordeum sexto a satu mense, frumenta septumo metuntur, in hellade vii hordeum, in peloponneso octavo, et frumenta etiamnum tardius. grana in stipula crinito textu spicantur. in faba leguminibusque

alternis lateribus siliquantur. fortiora contra hiemes frumenta, legumina in cibo.