Latin Texts & Translations

in magna admiratione est hercules Menestrati et hecate ephesi in templo dianae post aedem, in cuius contemplatione admonent aeditui parcere oculis; tanta

marmoris radiatio est. (non postferuntur et charites in propylo atheniensium, quas socrates fecit, alius ille quam pictor, idem ut aliqui putant). nam Myronis illius, qui in aere laudatur, anus ebria est zmyrnae in primis incluta.