megasthenes scribit in india serpentes in tantam magnitudinem adolescere, ut solidos hauriant cervos taurosque, metrodorus circa rhyndacum amnem in ponto, supervolantes ut quamvis alte perniciterque alites haustu
-- --
raptas absorbeant. nota est in punicis bellis ad flumen bagradam a regulo imperatore ballistis tormentisque, ut oppidum aliquod, expugnata serpens cxx pedum longitudinis; pellis eius maxillaeque usque ad bellum numantinum duravere romae in templo. faciunt his fidem in italia appellatae bovae in tantam amplitudinem exeuntes, ut divo claudio principe occisae in vaticano solidus in alvo spectatus sit infans. aluntur primo bubuli lactis suctu, unde nomen traxere.
