-- --
quod utrique visum est, tollendus adsensus est; quid
enim est tam futtile quam quicquam adprobare non
cognitum? Carneadem autem etiam heri audiebamus
solitum esse <eo> [Note] delabi interdum ut diceret opinaturum id est [Note] peccaturum esse sapientem. [Note] mihi porro
non tam certum est esse aliquid quod conprendi possit,
de quo [Note] iam nimium etiam diu disputo, quam sapientem nihil opinari id [Note] est numquam adsentiri rei vel
falsae vel incognitae.
60Restat illud quod dicunt veri
inveniundi causa contra omnia dici oportere et pro
omnibus. volo igitur videre quid invenerint. [Note] 'Non
solemus' inquit 'ostendere'. Quae sunt tandem ista
mysteria, aut cur celatis quasi turpe aliquid sententiam vestram? 'Ut qui audient' inquit 'ratione
potius quam auctoritate ducantur'. Quid si utrumque, [Note] num peius est? Unum tamen illud non celant,
nihil esse quod percipi possit. an in eo auctoritas nihil
obest? mihi quidem videtur vel plurimum. quis enim
ista tam aperte perspicueque et perversa et falsa
secutus esset, nisi tanta in Arcesila, multo etiam maior
in Carneade [Note] et copia rerum et dicendi vis fuisset?
ch. 19
61Haec Antiochus fere et Alexandreae tum et multis
annis post multo etiam adseverantius, in Syria cum
esset mecum paulo ante quam est mortuus. Sed
iam confirmata causa te hominem amicissimum' (me
autem appellabat) 'et aliquot annis minorem natu
non dubitabo monere. Tune, cum tantis laudibus philosophiam extuleris Hortensiumque [Note] nostrum dissentientem commoveris, eam philosophiam sequere [Note] quae
confundit vera cum falsis, spoliat nos iudicio, privat
adprobatione omni, orbat sensibus? [Note] et Cimmeriis quidem, quibus aspectum solis sive deus aliquis sive natura ademerat [Note] sive eius loci quem incolebant situs,
ignes tamen aderant quorum illis uti lumine licebat:
isti autem quos tu probas tantis offusis tenebris ne
scintillam quidem ullam nobis ad dispiciendum [Note] reliquerunt; quos si sequamur iis vinclis simus astricti
ut nos commovere nequeamus.
62sublata enim adsensione omnem et motum animorum et actionem [Note] rerum
sustulerunt; quod non modo recte fieri sed omnino
fieri non potest. Provide etiam ne uni tibi istam sententiam minime liceat defendere. an tu, cum res occultissimas aperueris in lucemque protuleris iuratusque
dixeris ea te conperisse (quod mihi quoque licebat qui
ex te illa cognoveram), [Note] negabis esse rem ullam quae
cognosci conprendi percipi possit? vide quaeso etiam
atque etiam ne illarum quoque rerum pulcherrimarum
a te ipso minuatur auctoritas.'
63Quae cum dixisset ille, finem fecit. Hortensius autem
vehementer admirans (quod quidem perpetuo Lucullo
loquente fecerat, ut etiam manus saepe tolleret: nec
mirum; nam numquam arbitror contra Academiam
dictum esse subtilius) me quoque, iocansne an ita
sentiens (non enim satis intellegebam), coepit hortari
ut sententia desisterem.
Tum mihi Catulus 'Si te' inquit 'Luculli oratio flexit,
quae est habita memoriter accurate copiose, taceo
neque te quo minus si tibi ita videatur sententiam
mutes deterrendum puto. illud vero non censuerim,
ut eius auctoritate moveare. tantum enim te [non [Note]]
modo monuit' inquit adridens, 'ut caveres ne quis
inprobus tribunus plebis, quorum vides quanta copia
semper futura sit, arriperet te et in contione [Note] quaereret
