-- --
utramque partem respondere possimus sequentes tantum modo quod ita visum sit, dum sine adsensu;
neque tamen omnia eius modi visa adprobari [Note] sed ea
quae nulla re inpedirentur.
105Haec si vobis non probamus, sint falsa sane, invidiosa certe non sunt. non
enim [Note] lucem eripimus sed ea quae vos percipi conprehendique eadem nos, si modo probabilia sint, videri dicimus.
ch. 33
Sic igitur inducto et constituto probabili, [Note] et.eo quidem expedito soluto libero nulla re inplicato, vides
profecto Luculle iacere iam illud tuum perspicuitatis
patrocinium. isdem enim hic sapiens de quo loquor
oculis quibus iste vester caelum terram mare intuebitur, isdem sensibus reliqua quae sub quemque sensum
cadunt sentiet. [Note] mare illud, quod nunc favonio nascente
purpureum videtur, idem huic nostro videbitur, nec
tamen adsentietur, quia nobismet ipsis modo caeruleum videbatur mane ravum, quodque nunc qua a
sole conlucet [Note] albescit etvibrat dissimileque estproximo
ei [Note] continenti, ut etiam si possis rationem reddere cur
id eveniat tamen non possis id verum esse quod videbatur oculis defendere.
106'Unde memoria, si nihil percipimus?' sic [Note] enim quaerebas. quid [Note] meminisse visa
nisi conprensa non possumus? quid Polyaenus, [Note] qui
magnus mathematicus fuisse dicitur, is postea quam
Epicuro adsentiens totam geometriam falsam esse
credidit, num illa etiam quae sciebat oblitus est? atqui falsum quod est id percipi non potest, ut vobismet
ipsis placet. si igitur memoria perceptarum conprensarumque rerum est, omnia quae quisque meminit
