-- --
interiora cum paucis ex ipso saepe cognovimus. maiore
enim studio Lucullus cum omni litterarum generi [Note]
tum philosophiae deditus fuit quam qui ilium ignorabant arbitrabantur, nec vero ineunte aetate solum
sed et [Note] pro quaestore aliquot annos et in ipso bello, in
quo ita magna rei militaris esse occupatio solet ut
non multum imperatori sub ipsis pellibus otii relinquatur. Cum autem e philosophis ingenio scientiaque
putaretur Antiochus Philonis auditor excellere, eum
secum et quaestor habuit et post aliquot annos imperator, quique [Note] esset [Note] ea memoria [Note] quam [Note] ante dixi ea [Note]
saepe audiendo facile cognovit quae vel semel audita
meminisse potuisset. delectabatur autem mirifice lectione librorum de quibus audiebat. [Note]
5Ac vereor interdum ne talium personarum cum
amplificare velim minuam etiam gloriam. sunt enim
multi qui omnino Graecas non ament litteras, plures
qui [Note] philosophiam, reliqui qui etiam si haec non inprobent tamen earum rerum disputationem principibus
civitatis non ita decoram putent. Ego autem cum
Graecas litteras M. Catonem in senectute didicisse acceperim, P. autem Africani historiae loquantur in
legatione illa nobili, quam ante [Note] censuram obiit,
Panaetium unum omnino comitem fuisse, nec litterarum Graecarum nec philosophiae iam ullum auctorem
requiro.
6Restat ut iis respondeam qui sermonibus
eius modi nolint personas tam graves inligari. quasi
vero clarorum virorum aut tacitos congressus [Note] esse
oporteat aut ludicros sermones aut rerum conloquia
leviorum. etenim [Note] si quodam in libro vere est a nobis
philosophia laudata, profecto eius tractatio optimo
atque amplissimo quoque dignissima est, nec quicquam aliud [ut [Note]] videndum est nobis, quos populus Romanus hoc in gradu conlocavit, nisi ne quid privatis
studiis de opera publica detrahamus. quod si cum
fungi munere debebamus non modo operam nostram
umquam [Note] a populari coetu removimus sed ne litteram
quidem ullam fecimus [Note] nisi forensem, quis reprendet
otium nostrum, qui in eo non modo nosmet ipsos
hebescere et languere nolumus sed etiam ut plurimis
prosimus enitimur. Gloriam vero non modo non minui
sed etiam augeri arbitramur eorum quorum ad populares inlustrisque laudes has etiam minus notas minusque pervolgatas adiungimus.
7Sunt etiam, qui negent in is qui <in> [Note] nostris libris
disputent fuisse earum rerum de quibus disputatur
15 scientiam. qui mihi videntur non solum vivis sed etiam
mortuis invidere.
ch. 3
Restat unum genus reprehensorum, quibus Academiae ratio non probatur. quod gravius ferremus,
si quisquam ullam disciplinam philosophiae probaret
praeter eam quam ipse sequeretur; nos autem quoniam contra omnes qui ** dicere quae [Note] videntur solemus, non possumus quin alii a nobis dissentiant recusare. Quamquam nostra [Note] quidem causa facilis est,
qui verum invenire sine ulla contentione volumus idque
summa cura studioque conquirimus. etsi enim omnis
cognitio multis est obstructa difficultatibus eaque est
et in ipsis rebus obscuritas et in iudiciis nostris infirmitas, ut non sine causa antiquissimi et doctissimi
invenire se posse quod cuperent diffisi sint, tamen nec
illi defecerunt neque nos studium exquirendi defatigati
relinquemus. neque nostrae disputationes quicquam
aliud agunt nisi ut in [Note] utramque partem dicendo et
