-- --
mortale sit an aeternum, nam utramque in partem [Note]
multa dicuntur. horum aliquid vestro sapienti certum
videtur, nostro ne quid maxime quidem probabile sit
occurrit; ita sunt in plerisque [Note] contrariarum rationum
paria momenta.
ch. 40
125Sin agis verecundius et me accusas
25non quod tuis rationibus non adsentiar sed quod nullis, vincam animum cuique adsentiar deligam - quem
potissimum, quem? [Note] Democritum; semper enim ut scitis studiosus nobilitatis fui. urgebor iam omnium vestrum convicio: 'tune aut inane quicquam putes [Note] esse,
cum ita conpleta et conferta sint omnia, <ut> et [Note] quod
movebitur <corpus> [Note] ** corporum cedat et qua quidque [Note] cesserit aliud ilico subsequatur, aut atomos ullas,
e quibus quidquid efficiatur illarum sit dissimillimum,
aut sine aliqua mente rem ullam effici posse praeclaram; et, cum in uno mundo ornatus hic tam sit mirabilis, innumerabilis supra infra dextra sinistra ante
post alios dissimiles alios eiusdem modi mundos esse;
et ut nos nunc simus ad Baulos Puteolosque videamus [Note]
sic innumerabiles paribus in locis esse isdem [Note] nominibus honoribus rebus gestis ingeniis formis aetatibus isdem de rebus disputantes; et, si nunc aut si
etiam dormientes aliquid animo videre videamur, imagines extrinsecus in animos nostros per corpus inrumpere. tu vero ista ne asciveris neve fueris commenticiis rebus adsensus; nihil sentire est melius quam
tam prava sentire.'
126Non ergo id agitur ut aliquid
adsensu meo comprobem, <sed
[Note] ut eadem> quae tu
