-- --
fuerat, κατάλημψιν imposuit; cum autem laevam manum admoverat [Note] et ilium pugnum arte vehementerque
conpresserat, scientiam talem esse dicebat, cuius compotem [Note] nisi sapientem esse neminem. sed qui sapiens
sit aut [Note] fuerit ne ipsi quidem solent dicere. ita tu nunc
Catule lucere nescis, nec tu Hortensi in tua villa nos
esse.
146num minus haec invidiose dicuntur? nec tamen
nimis eleganter; [Note] illa [Note] subtilius. Sed quo modo tu si
conprendi [Note] nihil posset artificia concidere dicebas nec
mihi [Note] dabas id quod probabile esset satis magnam vim
habere ad artes, sic ego nunc tibi refero artem sine
scientia esse non posse. an pateretur hoc Zeuxis aut
Phidias aut Polyclitus, nihil se scire, cum in iis esset
tanta sollertia? quod si eos docuisset aliquis quam vim
habere diceretur scientia, desinerent irasci; ne nobis
quidem suscenserent, cum didicissent id tollere nos
quod nusquam [Note] esset, quod autem satis esset ipsis
relinquere. Quam rationem maiorum etiam conprobat
diligentia, qui primum iurare ex sui animi sententia
quemque voluerunt, deinde ita teneri si sciens falleret,
quod inscientia multa versaretur in vita; tum qui testimonium diceret ut arbitrari se diceret etiam quod ipse
vidisset, quaeque [Note] iurati iudices cognovissent ut ea non
aut esse <aut non esse> [Note] facta sed ut videri pronuntiarentur.
ch. 48
147
Verum quoniam non solum nauta significat sed
etiam favonius ipse insusurrat navigandi nobis Luculle
tempus esse, et quoniam satis multa dixi, sit [Note] mihi
perorandum. posthac tamen cum haec [tamen [Note]] quaeremus, potius de dissensionibus tantis summorum virorum disseramus <de> [Note] obscuritate naturae, deque errore
